Leikmenn Liverpool fóru niður á hné á æfingu í dag til að minnast George Floyd, sem var myrtur af lögreglumanni í Bandaríkjunum á dögunum. Málið hefur vakið óhug um allan heim og mikið hefur verið mótmælt í Bandaríkjunum í kjölfar þess.
Mynd var tekin af þessu og hafa leikmenn Liverpool deilt myndinni á samfélagsmiðlum. Skrifar þeir við hana: „Unity is strength. #BlackLivesMatter"
Minnast þeir þar með á það hvað samstaða skiptir miklu máli.
Morðið á Floyd, sem var óvopnaður svartur maður, hefur vakið mikla reiði út um allan heim. Lögreglumaðurinn Derek Chauvin hefur verið ákærður fyrir morðið. Þetta er enn eitt dæmið í Bandaríkjunum um að lögregla drepur óvopnaðan svartan karlmann.
Fótboltamenn í Þýskalandi, þar á meðal Jadon Sancho minntust Floyd um helgina.
Hér að neðan má sjá myndina sem var tekin á æfingu Liverpool á Anfield í dag.
Sjá einnig:
Birtingarmynd djúpstæðs kynþáttamisréttis (RÚV)
Unity is strength #BlackLivesMatter pic.twitter.com/BLsTHfOnPT
— James Milner (@JamesMilner) June 1, 2020
Athugasemdir
