Klopp: Ég treysti honum fullkomlega

„Við sjáum hann á æfingu daglega og hann er með mikla hæfileika. John Achterberg markvarðaþjálfari sagði við mig frá fyrsta degi að þetta væri uppalinn leikmaður sem myndi gera góða hluti,“ segir Klopp.

Rætt var um það í sumar að lána hinn 25 ára Kelleher en Klopp segir það ekki hafa verið hægt meðan annar markvörður væri til staðar.

„Hann er uppalinn hjá félaginu og hann er ákveðinn í að gera vel fyrir Liverpool. Nú mun hann fá nokkra leiki og ég treysti honum fullkomlega."

Kelleher verður í marki Liverpool næstu leiki en liðið tekur á móti Fulham á sunnudaginn.