Það var nokkuð mikill vindur í Njarðvík í dag sem hafði mikil áhrif á leikinn.
„Aðstæður voru ekki þær bestu fyrir einhvern fallegan fótboltaleik, þannig að þetta var meira svona barátta og liðin að reyna að vinna bolta og búa svo eitthvað til úr því."
Þjálfarinn er mjög sáttur með fyrstu stig sumarsins.
„Við vorum með núll stig fyrir þennan leik, fjögur töp í fjórum leikjum, þannig að þetta jafntefli, fyrsta stigið og náttúrulega á útivelli, það er mjög kærkomið. Ég meina á útivelli á móti sterku liði eins og Njarðvík, það er mjög gott, við erum ánægðir."
Ægir fengu tækifæri til að taka öll 3 stigin með sér heim til Þorlákshafnar, tvö sláarskot og töluver af góðum færum.
„Þetta er fótbolti, við áttum tvö stangarskot, ótrúleg varsla frá Guy Smith sem er einn besti markmaðurinn í deildinni svo annað eftir hornspyrnu. Jordan átti mjög gott skot í seinni hálfleik, en Njarðvík áttu líka tvö eða þrjú færi í viðbót þarna þannig að ég get ekki kvartað."
Byrjunin hefur ekki verið góð fyrir Ægi og þeir höfðu fram að þessum leik tapað öllum sínum leikjum.
„Nei, ég er ekki ánægður með byrjunina en ég vona að restin af tímabilinu verði betri." sagði Nenad að lokum við Fótbolti.net.
