Björgólfur Guðmundsson lést á 85. aldursári.
Björgólfur Guðmundsson, athafnamaður, lést sunnudaginn 2. febrúar 2025 á 85. aldursári. Frá þessu er greint í tilkynningu frá aðstandendum sem er hægt að lesa í heild sinni á Vísi.
Björgólfur var mjög áberandi í fótboltalífinu. Hann stundaði íþróttir með KR og var þekktur stuðningsmaður og bakhjarl félagsins. Hann var formaður knattspyrnudeildar KR á árunum 1998 til 2002.
Björgólfur átti stóran eignarhlut í Landsbankanum og á þeim tíma hét efsta deild fótboltans á Íslandi Landsbankadeildin.
Árið 2006 keypti Björgólfur knattspyrnufélagið West Ham í félagi við Eggert Magnússon, fyrrverandi formann KSÍ. Hann var formaður West Ham 2006 til 2009 og var hann heiðursforseti félagsins til dauðadags.
Athugasemdir
