Tottenham fékk á sig mark fimm mínútum fyrir leikslok og missti því unninn leik niður í jafntefli. Leikurinn fór 2-2 í leik sem Newcastle átti alls 22 marktilraunir.

Jose Mourinho, stjóri Tottenham, útskýrði í viðtali eftir leik. af hverju Alderweireld og Aurier hafi ekki verið með í dag.

„Þeir eru í góðu standi. Þeir mættu hins vegar aftur til æfinga einungis í gær eftir landsleikjahléið og náðu því ekki að fara í Covid-19 test á réttum tíma, til að vera með á æfingu á fimmtudeginum né föstudeginum," sagði Jose Mourinho eftir leikinn í dag.

Alderweireld spilar með landsliði Belgíu en Aurier með Fílabeinsströndinni.

Tottenham hefði geta jafnað Chelsea að stigum í fjórða sæti deildarinnar með sigri í dag en eins og áður segir þá tókst Steve Bruce og lærisveinum hans að jafna metin þegar lítið var eftir.