Kristján Björn Ríkharðsson, liðsstjóri Víkings í Ólafsvík, hefur verið dæmdur í sex mánaða bann frá afskiptum af fótbolta eftir fölsun á leikskýrslu í B-deild Lengubikarsins.
Þá hafa Ólafsvíkingar fengið 160 þúsund króna sekt og liðinu var dæmt 3-0 tap í umræddum leik, sem var gegn ÍR þann 26. mars. Ólafsvíkingar höfðu unnið leikinn 2-1.
Þá hafa Ólafsvíkingar fengið 160 þúsund króna sekt og liðinu var dæmt 3-0 tap í umræddum leik, sem var gegn ÍR þann 26. mars. Ólafsvíkingar höfðu unnið leikinn 2-1.
Erlendur leikmaður sem ekki var með leikheimild lék í treyju númer 11 hjá Víkingi Ólafsvík en annað nafn var skráð á leikskýrslu með það númer þrátt fyrir að spila ekki í umræddum leik.
Telst umrædd háttsemi fela í sér fölsun á leikskýrslu en Kristján Björn skrifaði undir skýrsluna fyrir hönd Víkings.
Í niðurstöðu aga- og úrskurðarnefndar KSÍ segir frá því að af svari Víkings Ó. verði ekki annað séð en að félagið gangist við brotunum.
„Telur aga- og úrskurðarnefnd ljóst, miðað við gögn málsins og skýra viðurkenningu kærða, að Víkingur Ólafsvík hafi vísvitandi ranglega fyllt út leikskýrslu í leik Víkings Ólafsvíkur og ÍR með því að falsa nafn og kennitölu þátttakanda," segir í dómnum.
Athugasemdir