Adam Wharton, miðjumaður Crystal Palace, lék sinn fyrsta landsleik fyrir England í gær þegar liðið vann sigur á Bosníu í vináttulandsleik.
Wharton braust heldur betur fram á sjónarsviðið eftir áramót þegar hann gekk í raðir Crystal Palace frá Blackburn. Hann fann sig strax vel í ensku úrvalsdeildinni og vann sér inn sæti í enska landsliðinu.
Wharton er að berjast um sæti í enska hópnum sem tekur þátt á EM en frammistaða hans í gær vakti athygli og Gareth Southgate, landsliðsþjálfari, lét stór orð falla.
„Þetta er stórt skref fram á við frá því sem hann var í byrjun tímabilsins en ég kann mjög vel við það hvað hann sér hlutina snemma og hann leitar alltaf fram á við. Auðvitað er hann með gæði á boltanum en það er eiginleikinn að fá boltann og spila strax fram á við sem hefur vakið athygli okkar," sagði Southgate.
„Þetta hljómar einfalt en okkur hefur vantað svona leikmann í sjö eða átta ár."
England mætir Íslandi næst í vináttulandsleik á föstudaginn.
Adam Wharton receives, turns and sees the best available passing option so quickly. And then he has the passing weight and accuracy to match it. England producing this type of midfielder is a breath of fresh air. pic.twitter.com/BajrpWOSBo
— Premier League Panel (@PremLeaguePanel) June 4, 2024
Athugasemdir