Stuttmynd um orðanotkunina ,,að sparka eins og stelpa
Berglind Björg er á meðal viðmælenda í myndinni.
Anna Björk er á meðal viðmælenda í myndinni
Stuttmynd eftir Huldu Mýrdal, Kolfinnu Kristínardóttur, Kristínu Björk Smáradóttur og Þórhildi Stefánsdóttur. Myndin fjallar um orðanotkunina „að sparka eins og stelpa" og er ætluð til vitundarvakningar um orðanotkun.
Með aukinni vitundarvakningu í jafnréttisbaráttu kvenna á hinum ýmsu sviðum samfélagsins er nauðsynlegt að varpa ljósi á rótgrónar hefðir sem í dag eru jafnvel ómeðvitaðar og á sama tíma niðrandi fyrir kvennaknattspyrnu
Enn í dag, árið 2018, er fólk að nota frasa eins og "sparkar eins og stelpa" eða „helvítis kelling" til að lýsa slakri frammistöðu leikmanna. En þessa frasa má enn heyra inn á kepnnisvellinum og í útvarpi þegar rætt er um knattspyrnu.
Á Íslandi er staðreyndin sú:
-að landsliðið er á 19.sæti FIFA listans yfir bestu knattspyrnuþjóðir í heiminum.
-landsliðið fór á Evrópumótið í knattspyrnu 2009, 2013 og 2017.
-við eigum atvinnukonur sem spila meðal annars í Svíþjóð, Þýskalandi og Ástralíu.
-fjölmargar stelpur leggja stund á nám í háskóla í Bandaríkjunum og fá skólastyrk upp á milljónir fyrir það að spila knattspyrnu.
-þúsundir stelpna æfa knattspyrnu hér á landi nokkrum sinnum í viku.
"Okkur langaði að hitta atvinnukonur sem spila á hæsta leveli og fá þeirra sýn á hugtakið. Við höfum allar orðar varar við að þetta sé enn notað í daglegu tali og í fjölmiðlum núna árið 2018 til að lýsa slakri frammistöðu. Það er sorglegt þegar litið er á hvaða árangri stelpur hafa náð sérstaklega hér á landi. Og jafnvel er það ómeðvitað. Okkur langaði því að gefa fólki smá sýn á það hversu mikla vinnu stelpurnar leggja á sig, hvað þær eyða miklum tíma í íþróttina og hvaða máli fótbolti skiptir fyrir þær. Þær hafa fórnað öllu fyrir þetta. Eftir að fólk hefur horft á þessar mínútur getur það svo tekið ákvörðun hvort að "sparka eins og stelpa" sé virkilega niðrandi eða bara heilmikið hrós!" sagði Hulda Mýrdal spurð um markmiðið með myndinni.
"Okkur finnst sérstaklega mikilvægt að vekja athygli á þessu og útrýma því að þetta sé notað í niðrandi samhengi því það er mjög mikilvægt að ungar stelpur finni að þegar þær eru að byrja að æfa fótbolta að þær séu jafn mikilvægar, jafn góðar og strákarnir og geti náð langt."
Að lokum segir Hulda "Að sparka eins og stelpa er geggjað. Það segir sig sjálft þegar maður skoðar árangurinn sem allar þessar fótboltastelpur hafa náð. Við vonum að stuttmyndin veki fólk til umhugsunar og við getum í sameiningu snúið þessari orðanotkun yfir í jákvæða og hvetjandi merkingu"
Næst þegar það er sagt við þig „þú sparkar einsog stelpa“. Vertu stolt/stoltur
Viðmælendur eru Anna Björk Kristjánsdóttir leikmaður LB07 og Berglind Björg leikmaður Breiðabliks. Einnig er rætt við Frey Alexandersson fyrrverandi aðstoðarþjálfara kvennalandsliðsins og núverandi aðstoðarþjálfara karlalandsliðsins.
Við mælum einnig með að fylgja Heimavellinum á Instagram þar sem knattspyrna kvenna er í forgrunni.
Við hvetjum alla til að deila myndbandinu sem má sjá hér að neðan:
Smelltu hér til að horfa á myndbandið
Athugasemdir
