Thelma Karen Pálmadóttir.
Fyrri leikirnir í undanúrslitum Evrópubikars kvenna fóru fram í dag. Eftir leikina eru bara býsna góðar líkur á því að við fáum Íslendingaslag í úrslitum.
Sænska félagið Häcken gerði sér nefnilega lítið fyrir og skellti þýska úrvalsdeildarfélaginu Eintracht Frankfurt í Þýskalandi, 0-3. Fanney Inga Birkisdóttir og Thelma Karen Pálmadóttir voru báðar í byrjunarliði Häcken í leiknum.
Þetta voru talsverð óvænt úrslit, algjörlega stórkostleg úrslit fyrir Häcken á mjög erfiðum útivelli.
Í hinum undanúrslitaleiknum spilaði Guðrún Arnardóttir allan leikinn í 2-3 sigri Hammarby gegn Sparta Prag á útivelli.
Seinni leikirnir fara fram í næstu viku.
Athugasemdir
