Þjálfarar Örebro hrifust af Bjarka Steini
Mynd: Fótbolti.net - Hafliði Breiðfjörð
Mynd: Fótbolti.net - Hafliði Breiðfjörð
Bjarki Steinn Bjarkason, leikmaður ÍA, hreif þjálfara sænska félagsins Örebro þegar hann var á reynslu hjá félaginu á dögunum. Ekkert formlegt tilboð er þó komið í Bjarka ennþá.
„Eina sem við vitum er að hann stóð sig mjög vel þarna og þeir voru mjög hrifnir af honum. Síðan mun tíminn leiða í ljós hvað gerist," sagði Sigurður Þór Sigursteinsson, framkvæmdastjóri ÍA, við Fótbolta.net í dag.
Hinn 19 ára gamli Bjarki hefur vakið athygli hjá fleiri erlendum félögum en hann æfði með Norrköping í Svíþjóð og Start í Noregi fyrir áramót.
Bjarki Steinn er kantmaður en hann skoraði þrjú mörk í tuttugu leikjum með ÍA í Pepsi Max-deildinni síðastliðið sumar.
Bjarki kom til ÍA frá Aftureldingu fyrir rúmum tveimur árum síðan en hann á einn leik að baki með U21 landsliðinu og þrjá með U19.
Hinn 19 ára gamli Bjarki hefur vakið athygli hjá fleiri erlendum félögum en hann æfði með Norrköping í Svíþjóð og Start í Noregi fyrir áramót.
Bjarki Steinn er kantmaður en hann skoraði þrjú mörk í tuttugu leikjum með ÍA í Pepsi Max-deildinni síðastliðið sumar.
Bjarki kom til ÍA frá Aftureldingu fyrir rúmum tveimur árum síðan en hann á einn leik að baki með U21 landsliðinu og þrjá með U19.
