Þróttur Reykjavíkar, nýliðar í Pepsi Max-deild kvenna, hefur bætt við sig tveimur leikmönnum fyrir átökin í sumar.
Sóley María Steinarsdóttir hefur gengið til liðs við Þrótt að láni frá Breiðablik og leikur því með liðinu í sumar. Sóley María er Þrótturum vel kunn enda er hún uppalin í félaginu.
Sóley lék níu leiki með Breiðabliki í Pepsi Max-deild kvenna í fyrra, en hún á að baki fjölda leikja fyrir yngri landslið Íslands.
Þó hefur Þróttur einnig samið við Stephanie Mariana Ribeiro, sem var síðast á mála hjá Avaldsnes í norsku úrvalsdeildinni. Hún spilaði þar áður í háskólaboltanum í Bandaríkjunum. Í frétt frá því í fyrra er henni lýst sem sóknarmanni.
Þrótti er spáð neðsta sæti í spá Fótbolta.net fyrir Pepsi Max-deild kvenna.
Komnar:
Andrea Magnúsdóttir frá ÍA
Laura Hughes frá Canberra United
Mary Alice Vignola frá Bandaríkjunum
Rósa Pálsdóttir fra Fjölni
Sóley María Steinarsdóttir frá Breiðabliki (Á láni)
Stephanie Riberio frá Avaldsnes í Noregi
Farnar:
Katrín Rut Kvaran í Val (Var á láni)
Lauren Wade
Athugasemdir