„Ég talaði við hann í síma og hann bað mig og hópinn afsökunar. Hann sér eftir hegðun sinni og er 100% klár í að klæðast treyju Lúxemborgar," segir Holtz.

Thill er því í hópnum hjá Lúxemborg sem mætir Íslandi á föstudaginn. Lúxemborg er fjórum stigum fyrir ofan Ísland í riðlinum og því ekkert annað sem kemur til greina hjá okkar strákum en að sækja til sigurs.

Sá markahæsti skrópaði á æfingar
Sóknarmaðurinn Gerson Rodrigues, stærsta stjarna liðsins, er hinsvegar ekki í hópnum hjá Lúxemborg fyrir komandi leiki. Hann skrópaði á tvær æfingar í síðasta glugga og ekkert náðist í hann. Honum var því vísað úr hópnum. Rodriguez er vandræðagemsi en hann spilar nú fyrir Sivasspor í Tyrklandi.

Rodriguez er markahæstur í sögu landsliðs Lúxemborgar, með sextán mörk, en Holtz landsliðsþjálfari segist hafa rætt við leikmannahóp sinn áður en hann tók ákvörðun um að kalla hann ekki aftur inn í hópinn. Hann segir ljóst að gjá hafi myndast milli hans og samherja hans.

Þeirra hættulegasti maður
Í fjarveru Rodriguez er Danel Sinani skeinuhættasti leikmaður Lúxemborgar, hann hefur skorað tvö af fjórum mörkum liðsins í undankeppninni. Þessi 26 ára sóknarleikmaður fæddist í Belgrad en flutti fimm ára til Lúxemborgar. Sinani hefur skorað ellefu mörk í 55 landsleikjum. Hann er fyrrum leikmaður Norwich en gekk í raðir þýska B-deildarliðsins St. Pauli í sumar.

Þá er hinn nítján ára gamli Yvandro Borges Sanches nokkuð spennandi leikmaður. Hann skoraði gegn Bosníu í síðasta glugga og hefur komið inn af bekknum í báðum leikjum Borussia Mönchengladbach í þýsku Bundesligunni á þessu tímabili. Hann átti stoðsendingu í fyrstu umferð.


Sjá einnig:
Mikil eftirvænting og uppselt á landsleik Íslands í Lúxemborg