Valgeir Valgeirsson, leikmaður HK, er á leið til Englands samkvæmt Guðmundi Benediktssyni, þáttarstjórnanda Stúkunnar á Stöð 2 Sport.
Þrátt fyrir að vera aðeins 18 ára gamall hefur Valgeir verið lykilmaður í liði HK í Pepsi Max-deildinni. Hann getur spilað bæði sem kantmaður og bakvörður.
Hann hefur vakið athygli fyrir utan landssteinanna, en núna er hann á leið til Brentford að sögn Gumma Ben.
„Valgeir Valgeirsson hefur leikið sinn síðasta leik fyrir HK á þessu tímabili, leikmaðurinn og HK hafa náð samkomulagi um lánssamning við Brentford sem spilar í Championship deildinni," skrifar Gummi á Twitter.
Brentford er í næst efstu deild á Englandi, Championship-deildinni. Félagið tapaði úrslitaleik umspilsins um sæti í ensku úrvalsdeildinni á síðustu leiktíð.
Markvörðurinn Patrik Sigurður Gunnarsson er á mála hjá Brentford.
HK er í níunda sæti Pepsi Max-deildarinnar með 20 stig úr 18 leikjum.
Valgeir Valgeirsson hefur leikið sinn síðasta leik fyrir HK á þessu tímabili, leikmaðurinn og HK hafa náð samkomulagi um lánssamning við Brentford sem spilar í Championship deildinni 👏🏼 pic.twitter.com/Ym8kTHso6Y
— Gummi Ben (@GummiBen) October 5, 2020
Athugasemdir