Aganefnd KSÍ fundaði í gær, eins og venjan er á þriðjudögum. Nokkrir leikmenn Bestu deildarinnar voru þar úrskurðaðir í leikbönn.

Jannik Pohl skoraði tvö mörk í sigri Fram gegn Leikni en fékk einnig sitt fjórða gula spjald í leiknum. Hann og Óskar Jónsson, sem fékk rautt spjald á sunnudag, verða báðir í banni gegn ÍA á laugardaginn. Oliver Stefánsson verður í banni hjá Skagamönnum en hann fékk rautt í tapleik gegn Keflavík.

Grétar Snær Gunnarsson og Stefán Árni Geirsson, leikmenn KR, verða í banni vegna uppsafnaðra áminninga þegar KR leikur gegn Val á sunnudaginn.

Joye Gibbs, sem skoraði sigurmark Keflavíkur um helgina, tekur út bann þegar Keflavík fer til Vestmanneyja á sunnudag. Þórarinn Ingi Valdimarsson leikmaður Stjörnunnar er kominn í bann og spilar ekki gegn Víkingi næsta mánudag.