Það eru aðeins þrjár umferðir eftir af ítalska deildartímabilinu og er titilbaráttan á milli AC Milan og nágrannanna í Inter æsispennandi.
Inter á fyrsta leik helgarinnar, á heimavelli gegn Empoli, og þarf sigur til að taka toppsætið af Milan, sem leiðir með tveimur stigum sem stendur. Milan getur unnið toppsætið til baka á sunnudaginn þegar liðið á erfiðan útileik gegn skemmtilegu liði Verona.
Evrópubaráttan er gríðarlega hörð þar sem Roma, Lazio, Fiorentina og Atalanta eru að berjast um þrjú sæti með Verona á hælum sér. Roma og Lazio eru í bestu stöðunni og eiga lærisveinar Maurizio Sarri í Lazio þægilegan heimaleik gegn Sampdoria á laugardagskvöldið. Rómverjar eiga aftur á móti erfiðan útileik í Flórens þar sem heimamenn í Fiorentina munu freista þess að krækja í Evrópusæti í fyrsta sinn síðan 2016.
Atalanta, sem er jafnt Fiorentina á stigum, heimsækir Spezia fyrir hádegi á sunnudag.
Að lokum er komið að fallbaráttunni þar sem Genoa, Cagliari og Salernitana eru að berjast um síðasta lausa sætið í deildinni. Genoa á erfiðan heimaleik gegn Juventus í kvöld en Salernitana og Cagliari mætast í innbyrðisviðureign á sunnudaginn.
Þar getur Salernitana svo gott sem bjargað sér eftir ótrúlegan árangur síðustu vikur. Smáliðið frá Salerno er búið að vinna fjóra og gera einn jafntefli af síðustu fimm og er einu stigi fyrir ofan Cagliari í fallsæti.
Föstudagur:
16:45 Inter - Empoli
19:00 Genoa - Juventus
Laugardagur:
13:00 Torino - Napoli
16:00 Sassuolo - Udinese
18:45 Lazio - Sampdoria
Sunnudagur:
10:30 Spezia - Atalanta
13:00 Venezia - Bologna
16:00 Salernitana - Cagliari
18:45 Verona - Milan
Mánudagur:
18:45 Fiorentina - Roma
Ítalía
Serie A - karlar
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 1 | Inter | 29 | 22 | 2 | 5 | 65 | 23 | +42 | 68 |
| 2 | Milan | 29 | 17 | 9 | 3 | 44 | 21 | +23 | 60 |
| 3 | Napoli | 29 | 18 | 5 | 6 | 45 | 30 | +15 | 59 |
| 4 | Como | 29 | 15 | 9 | 5 | 48 | 22 | +26 | 54 |
| 5 | Juventus | 29 | 15 | 8 | 6 | 51 | 28 | +23 | 53 |
| 6 | Roma | 29 | 16 | 3 | 10 | 39 | 23 | +16 | 51 |
| 7 | Atalanta | 29 | 12 | 11 | 6 | 40 | 27 | +13 | 47 |
| 8 | Bologna | 29 | 12 | 6 | 11 | 38 | 34 | +4 | 42 |
| 9 | Lazio | 29 | 10 | 10 | 9 | 29 | 28 | +1 | 40 |
| 10 | Sassuolo | 29 | 11 | 5 | 13 | 35 | 39 | -4 | 38 |
| 11 | Udinese | 29 | 10 | 6 | 13 | 33 | 42 | -9 | 36 |
| 12 | Parma | 29 | 8 | 10 | 11 | 21 | 36 | -15 | 34 |
| 13 | Genoa | 29 | 8 | 9 | 12 | 36 | 40 | -4 | 33 |
| 14 | Torino | 29 | 9 | 6 | 14 | 32 | 50 | -18 | 33 |
| 15 | Cagliari | 29 | 7 | 9 | 13 | 31 | 41 | -10 | 30 |
| 16 | Lecce | 29 | 7 | 6 | 16 | 21 | 39 | -18 | 27 |
| 17 | Fiorentina | 28 | 5 | 10 | 13 | 30 | 42 | -12 | 25 |
| 18 | Cremonese | 28 | 5 | 9 | 14 | 22 | 40 | -18 | 24 |
| 19 | Pisa | 29 | 2 | 12 | 15 | 23 | 49 | -26 | 18 |
| 20 | Verona | 29 | 3 | 9 | 17 | 22 | 51 | -29 | 18 |
