Síðasti leikur dagsins í fyrstu umferð ensku úrvalsdeildarinnar fer fram klukkan 16:30 í dag en þá mætast Everton og Chelsea á Goodison Park í Liverpool borg.
Liðin voru á ólíkum stað á töflunni á síðustu leiktíð en Chelsea hafnaði í þriðja sæti deildarinnar á meðan Everton var í bullandi fallbaráttu en tókst að lokum að enda fjórum stigum fyrir ofan fallsæti.
Fotbolti.net spáir því að Chelsea hafni í sjötta sæti deildarinnar á þessari leiktíð en Everton í því fjórtánda.
Frank Lampard, stjóri Everton, byrjar með Dele Alli á bekknum en Demarai Gray virðist spila sem fremsti maður. Þá spila James Tarkowski og Dwight McNeil báðir sinn fyrsta leik fyrir Everton.
Dominic Calvert-Lewin verður frá í allt að sex vikur vegna meiðsla á hné.
Thomas Tuchel, stjóri Chelsea, geymir nýjasta leikmann liðsins, Marc Cucurella á bekknum en Kalidou Koulibaly og Raheem Sterling byrja báðir.
Everton: Pickford, Tarkowski, Mina, Godfrey, Patterson, Doucoure, Iwobi, Mykolenko, McNeil, Gordon, Gray.
(Varamenn: Begovic, Holgate, Keane, Allan, Alli, Gbamin, Vinagre, Warrington, Mills.)
Chelsea: Mendy, Silva, Azpilicueta, Koulibaly, James, Kante, Jorginho, Mount, Chilwell, Sterling, Havertz.
(Varamenn: Kepa, Kovacic, Pulisic, Loftus-Cheek, Chalobah, Broja, Ziyceh, Gallagher, Cucurella.
