Breiðablik lagði Selfoss að velli í toppbaráttu Bestu deildar kvenna er liðin mættust í Kópavogi.
Hildur Antonsdóttir skoraði laglegt mark úr erfiðu færi á 29. mínútu og reyndist það sigurmarkið í tíðindalitlum leik.
Gestirnir frá Selfossi stóðu vel í Blikum en áttu afar erfitt með að skapa sér færi. Blikar áttu einnig í erfiðleikum með að koma sér í færi og geta Blikastúlkur verið ánægðar með að taka öll stigin.
Breiðablik er komið uppfyrir Selfoss á stöðutöflunni. Blikar eru með 15 stig eftir 8 umferðir og Selfyssingar 14.
Breiðablik 1 - 0 Selfoss
1-0 Hildur Antonsdóttir ('29)
Þróttur R. sigraði þá botnbaráttulið KR á útivelli eftir að hafa verið marki undir stærstan hluta leiksins.
KR byrjaði mun betur og komst í góð færi áður en Hildur Lilja Ágústsdóttir skoraði á 17. mínútu. Hildur Lilja skoraði eftir vel útfærða stutta hornspyrnu heimakvenna.
KR leiddi sanngjarnt 1-0 í leikhlé en gestirnir úr Laugardalnum mættu grimmir til leiks í síðari hálfleik. Katla Tryggvadóttir skoraði á 61. mínútu eftir fyrirgjöf frá Andreu Rut Bjarnadóttur og var staðan þá orðin jöfn.
Þróttur var sterkari aðilinn í síðari hálfleik og komst yfir með marki úr vítaspyrnu á 78. mínútu. Þar var Katla aftur á ferðinni og fullkomnaði hún svo þrennuna skömmu síðar.
Frábær endurkoma hjá Þrótti sem jafnar Stjörnuna í öðru sæti með 16 stig eftir 8 umferðir. KR er áfram á botninum með 3 stig.
KR 1 - 3 Þróttur R.
1-0 Hildur Lilja Ágústsdóttir ('17)
1-1 Katla Tryggvadóttir ('61)
1-2 Katla Tryggvadóttir ('78, víti)
1-3 Katla Tryggvadóttir ('81)
L | U | J | T | ms: | mf: | mun | Stig | ||
---|---|---|---|---|---|---|---|---|---|
0 | 0 | 0 | 0 | 0 | 0 | 0 | 0 | 0 |