Nágrannarnir og erkifjendurnir AC Milan og Inter áttust við í síðasta leik dagsins í Serie A, efstu deild ítalska boltans.

Inter var með tíu stiga forystu á Milan í titilbaráttunni og gat svo gott sem tryggt sér Ítalíumeistaratitilinn með sigri. Milan gaf þeim þó góðan leik og skoraði vængbakvörðurinn Pervis Estupinan á 35. mínútu.

Estupinan, sem var keyptur úr röðum Brighton síðasta sumar, slapp í gegn eftir að Luis Henrique missti einbeitingu í andartak og kláraði með föstu skoti sem Yann Sommer átti ekki möguleika í.

Það var lítið um færi í jöfnum slag og var það Henrikh Mkhitaryan sem fékk besta færi Inter, en skot hans fór beint á Mike Maignan sem gerði sig stóran.

Lærlingar Max Allegri vörðust af krafti og gáfu lítið af færum á sér í seinni hálfleiknum, svo lokatölur urðu 1-0.

Milan er núna sjö stigum á eftir Inter þegar tíu umferðir eru eftir af deildartímabilinu. Hvorugt liðið er með í evrópukeppnum og geta þau því bæði einbeitt sér að titilbaráttunni.

Estupinan fékk að byrja í dag þrátt fyrir að vera vanalega ekki með sæti í byrjunarliðinu hjá Allegri þar sem hinn efnilegi Davide Bartesaghi hefur verið að standa sig mjög vel á tímabilinu.

Smelltu hér til að kaupa áskrift að Livey