Fullt nafn: Baldvin Þór Berndsen

Gælunafn: Baddi eða Balli hefur verið það nýjasta upp á skaga

Aldur: 22 ára

Hjúskaparstaða: Föstu

Hvenær lékstu þinn fyrsta leik með meistaraflokki og er eitthvað minnisstætt úr leiknum: Það var með Vængjum Júpíters árið 2021, 7-1 sigur á Móti Afríku. Þeir mættu bara beint í leikinn án þess að hita upp, það var stórfurðulegt.

Uppáhalds drykkur: Ískaldur Collab.

Uppáhalds matsölustaður: Saffran klikkar einhvernveginn aldrei.

Uppáhalds tölvuleikur: Fifa er klassískt

Áttu hlutabréf eða rafmynt: já maður er eitthvað með puttana í þessu

Uppáhalds sjónvarpsþáttur: Power, væri til í aðra seríu af þeim.

Uppáhalds tónlistarmaður: Aron Can og Kristmundur Axel, G town stuffið.

Uppáhalds hlaðvarp: Fm95blö.

Uppáhalds samfélagsmiðill: Instagram

Fyrsta síðan sem þú ferð á þegar þú opnar netið: Fótbolti.net

Fyndnasti Íslendingurinn: Steindi Jr

Hvernig hljómar síðasta sms sem þú fékkst: Sending þín bíður á pósthúsi, takkaskórnir að lenda.

Hvaða liði myndir þú aldrei spila með: Fylki

Besti leikmaður sem þú hefur mætt: Aron Sig er helvíti seigur í bolta, enda uppalinn í Fjölni.

Besti þjálfarinn sem hefur þjálfað þig: Margir góðir

Mest óþolandi leikmaður sem þú hefur mætt: Hinrik Harðarson, alltaf með einhvern kjaft í yngri flokkunum.

Hver var fyrirmyndin þín í­ æsku: Ætli það sé ekki Pabbi. Hefur líklega ekki misst af fótbolta leik hjá mér.

Sætasti sigurinn: Þeir eru nokkrir, það var léttir að vinna ÍBV í fyrra og vera kominn með annan fótinn í að tryggja sætið í deildinni.

Mestu vonbrigðin: Þegar við fórum ekki upp með Fjölni 2024.

Uppáhalds lið í enska: Liverpool

Ef þú fengir að velja einn leikmann úr öðru íslensku liði í þitt lið: Ætli ég tæki ekki Halldór Snær markmann, helvíti gott chemistry á milli okkar.

Efnilegasti fótboltamaður/kona landsins: Gabríel Gunnarsson er alvöru baller.

Fallegasti fótboltamaðurinn á Íslandi: Jóhannes Vall er með þeim myndarlegri.

Fallegasta fótboltakonan á Íslandi:

Besti fótboltamaðurinn frá upphafi: Messi.

Ein regla í fótbolta sem þú myndir breyta: Væri til í að sjá hvernig það væri ef tíminn myndi stoppast þegar boltinn er ekki í leik.

Uppáhalds staður á Íslandi: Geldinganes í Grafarvogi er algjör paradís á sumrin.

Segðu okkur frá skemmtilegu atviki sem gerst hefur í leik: Þegar ég þurfti að fara í markið eftir að Halldór Snær fékk rautt. Viðurkenni að púlsinn hækkaði aðeins á milli stanganna.

Ertu með einhverja hjátrú tengda fótbolta: Nei ekkert svoleiðis.

Fyrir utan fótbolta, fylgist þú með öðrum íþróttum: Hef gaman að pílunni um jólin.

Í hvernig fótboltaskóm spilar þú: Nike Tiempo.

Í hverju varstu/ertu lélegastur í­ skóla: Stærðfræði var ekki mitt fag.

Vandræðalegasta augnablik: Þegar ég mætti seinn í fyrsta deildarleikinn minn hjá ÍA í fyrra.

Hvaða þremur leikmönnum byðir þú í mat og af hverju: Myndi bjóða Steinari Þorsteins, Rúnar Má og Dean Martin. Dæla einhverju geðveiku kjöti ofan í þá.

Bestur/best í klefanum og af hverju: Böddi er að koma sterkur inn, ekki leiðinlegt að hafa hann hliðina sér í klefanum, topp náungi!

Hvern í liðinu þínu myndirðu velja til að taka þátt í sjónvarpsþáttaröð: Myndi senda Erik í Love Island, sá hatar ekki stelpur.

Sturluð staðreynd um sjálfan þig: Varð Íslandsmeistari í skák með strákunum.

Hvaða samherji hefur komið þér mest á óvart eftir að þú kynntist honum og af hverju: Rúnar Már, hélt hann væri þessi leiðinlegi fyrirliði, er síðan algjör kóngur.

Hverju laugstu síðast: Laug að strákunum að ég kæmist ekki í sund, nennti bara alls ekki.

Hvað er leiðinlegast að gera á æfingum: upphitun hjá Dean Martin getur verið langdregin.

Ef þú fengir eina spurningu til að spyrja hvern sem er: Hver yrði spurningin og hvern myndiru spyrja: Sem Liverpool maður myndi ég spyrja Salah hvernig hann fór að því að vera besti leikmaður heims í vera svo allt í einu ósýnilegur í hverjum einasta leik.

Einhver skilaboð til stuðningsmanna fyrir sumarið: Hvet alla til að mæta á völlinn og styðja okkur. Áfram ÍA