Portúgal gerði markalaust jafntefli gegn Mexíkó í æfingaleik í nótt. Cristiano Ronaldo var fjarverandi vegna meiðsla.
Þessi 41 árs gamli leikmaður er gríðarlega mikilvægur fyrir landsliðið en hann var markahæsti leikmaður liðsins í undankeppni HM.
Jose Mourinho var alls ekki hrifinn af frammistöðu liðsins gegn Mexíkó, það var ekki mikil ógn í sóknarleiknum.
„Takið Cristiano Ronaldo út úr myndinni og Portúgal lítur út eins og hvaða venjulega lið sem er. Fólk vill að við hættum að velja hann í hópinn. Hann spilaði ekki í dag og þið sáuð hvernig það fór. Engin ógn, engin hræðsla í andstæðingunum. Bara lið sem er sett undir pressu af Mexíkó," sagði Mourinho.
„Andstæðingurinn hugsar tvisvar þegar Ronaldo er á vellinum. Þeir hugsa ekkert án hans."
Athugasemdir
