Landsliðsfyrirliðinn Sara Björk Gunnarsdóttir varð í kvöld bikarmeistari í Frakklandi með Lyon. Er þetta fyrsti titill Söru með félaginu sem hún samdi við fyrr í sumar.
Sara byrjaði á bekknum en kom inn á þegar korter var eftir af venjulegum leiktíma. Leikið var við PSG í úrslitaleiknum og var staðan markalaust eftir venjulegan leiktíma. Farið var beint í vítapsyrnukeppni og þar hafði Lyon betur.
Sara er því bikarmeistari í Frakklandi. Núna er framundan Meistaradeildin og þar getur Sara unnið sinn annan titil með félaginu. Lyon er mjög sigurstranglegt í keppninni.
Lyon hefur orðið franskur meistari fjórtán ár í röð og unnið Meistaradeildina fjögur ár í röð. Lyon mun síðar í þessum mánuði taka þátt í lokahnykk Meistaradeildarinnar.
Það er athyglisvert að það voru áhorfendur á leiknum í Frakklandi í kvöld. Stuðningsmenn máttu mæta á völlinn en þurftu að vera með grímur.
VAINQUEURS de la @coupedefrance 2020 ! 🏆 pic.twitter.com/Lst1cIXnXM
— OL Féminin (@OLfeminin) August 9, 2020
Athugasemdir