Spænski vinstri vængbakvörðurinn Angelino er genginn í raðir Hoffenheim á láni frá RB Leipzig.
Þessi 25 ára gamli var á láni hjá Leipzig í tvö tímabil frá Manchester City áður en Leipzig keypti hann fyrir síðustu leiktíð.
Hann lék 29 deildarleiki á síðasta tímabili og gegndi mikilvægu hlutverki er liðið varð þýskur bikarmeistari.
Angelino er nú mættur til Hoffenheim á láni frá RB Leipzig út leiktíðina og getur Hoffenheim keypt hann fyrir 20 milljónir evra á lánstímanum.
Spánverjinn stóðst læknisskoðun í gær og skrifaði undir samninginn en þetta er sjötti leikmaðurinn sem Hoffenheim fær í sumar.
Athugasemdir