„Mér fannst það bara fínt, að fá að hlaupa aðeins. Það meiddist einn þarna frammi þannig að það þurfti að fylla upp í svo að það yrðu 11 á 11. Ég get alltaf spilað sem framherji," sagði Ingvar léttur.

„Það er smá tími síðan ég var í þessum landsliðshóp síðast. Ég datt smá út eftir meiðsli. Það er gott tækifæri fyrir mig núna að sýna mig fyrir nýjum þjálfurum. Hér eru fullt af strákum sem að verða frábærir í framtíðinni."

Ingvar segir að undirbúningurinn fyrir leikinn sé stuttur en greinilegt að þjálfarateymið hafi skipulagt undirbúninginn vel.

„Þetta eru auðvitað bara þrír dagar fyrir leikinn en þeir hafa gert þetta skipulega og ég held að við séum bara vel undirbúnir fyrir leikinn."

„Fínt að koma hingað beint út eftir jólafrí í þrjátíu gráður og fullkomið gras. Tek þetta frekar en frosið gervigras í Danmörku."

Viðtalið við Ingvar má sjá í heild sinni hér að ofan.