Sjáðu glæsilegt sigurmark Alexander-Arnold - „Kostirnir vega þyngra"

Liverpool var 1-0 undir í hálfleik en tókst að koma til baka í seinni hálfleiknum. Mohamed Salah jafnaði og Alexander-Arnold skoraði sigurmarkið snemma í uppbótartímanum.

Hægt er að sjá mörkin hér á neðan af vef Morgunblaðsins en mark Alexander-Arnold var virkilega flott.

Alexander-Arnold, sem er 22 ára, hefur verið mikið í umræðunni undanfarnar vikur eftir að hann var ekki valinn í enska landsliðshópinn fyrir landsleikina í lok mars. Hann fékk mikið hrós fyrir frammistöðu sína gegn Arsenal um síðustu helgi en átti svo mjög erfitt uppdráttar gegn Real Madrid í Meistaradeildinni í miðri viku.

Alexander-Arnold hefur verið gagnrýndur fyrir það að vera slakur varnarlega og missa boltann of mikið. Hann er hins vegar frábær sóknarlega.

„Ég skil gagnrýnina sem Alexander-Arnold fær fyrir varnarleik en hann er samt einn hæfileikaríkasti leikmaður sem ég hef séð. Sigurmark hans í dag var áminning um það að kostir hans vega þyngra en gallarnir," skrifaði Oliver Holt, sem er yfir íþróttaskrifum hjá Daily Mail, eftir leikinn í dag.

Henry Winter, stjörnublaðamaður í Bretlandi, hrósaði Alexander-Arnold eftir leikinn og spurði að því hvort Gareth Southgate, landsliðsþjálfari, myndi sýna hugrekki með því að velja hann í landsliðshópinn fyrir EM í sumar.

Hvort hann verði valinn, það verður að koma í ljós. Englendingar eiga mjög mikið af góðum hægri bakvörðum.

Alexander-Arnold scores #lfc winner in front of Southgate. Poetic. If #eng are to progress at Euros, they must be bold. Been too cautious too often. TA-A offers boldness, deliveries, strengths far outweighing few defensive issues that can be worked on. But will Southgate be bold?

— Henry Winter (@henrywinter) April 10, 2021

I understand the defensive criticisms of Alexander-Arnold but he is still one of the most gifted players I've ever seen. His winner today was a reminder that his attributes outweigh his shortcomings many, many times over.

— Oliver Holt (@OllieHolt22) April 10, 2021