Spánn: Munar tveimur stigum er tveir leikir eru eftir

Real heimsótti Granada og náði að brjóta ísinn á 17. mínútu þegar Luka Modric skoraði. Brasilíumaðurinn Rodrygo bætti við öðru marki á besta tíma, rétt fyrir leikhlé.

Jorge Molina minnkaði muninn fyrir Granada þegar rúmar 20 mínútur voru til leiksloka en Granada komst ekki lengra. Alvaro Odriozola og Karim Benzema skoruðu mörk þrjú og fjögur fyrir gestina og lokatölur 1-4.

Real er í öðru sæti deildarinnar, tveimur stigum á eftir toppliði Atletico þegar tvær umferðir eru eftir. Granada er um miðja deild.

Í öðrum leikjum dagsins á Spáni, þá gerði botnlið Eibar jafntefli við Betis og Villarreal lagði Valladolid að velli. Fallbaráttan er einnig mjög spennandi en stöðutöfluna í deildinni má sjá hér að neðan.

Eibar 1 - 1 Betis
0-1 Andres Guardado ('4 )
1-1 Sergi Enrich ('83 )

Granada CF 1 - 4 Real Madrid
0-1 Luka Modric ('17 )
0-2 Rodrygo ('45 )
1-2 Jorge Molina ('71 )
1-3 Alvaro Odriozola ('75 )
1-4 Karim Benzema ('76 )

Valladolid 0 - 2 Villarreal
0-1 Gerard Moreno ('68 )
0-2 Etienne Capoue ('90 )