13.10.19 - 12:49
Guðmundur Aðalsteinn Ásgeirsson
Tyrkir heilsuðu að hermannasið - Verður rannsakað
Heilsuðu að hermannasið.
Mynd: Getty Images
Heilsuðu að hermannasið.
Mynd: Getty Images
Knattspyrnusamband Evrópu, UEFA, ætlar að rannsaka það hvernig tyrkneskir landsliðsmenn fögnuðu sigri sínum á Albaníu á föstudagskvöld.
Tyrkland og Albanía eru með Íslandi í riðli í undankeppni EM 2020. Tyrkland vann dramatískan 1-0 sigur á Albaníu á föstudaginn, á sama tíma og Ísland tapaði naumlega gegn Heimsmeisturum Frakklands á Laugardalsvelli.
Tyrkland og Albanía eru með Íslandi í riðli í undankeppni EM 2020. Tyrkland vann dramatískan 1-0 sigur á Albaníu á föstudaginn, á sama tíma og Ísland tapaði naumlega gegn Heimsmeisturum Frakklands á Laugardalsvelli.
Cenk Tosun, framherji Everton, skoraði sigurmarkið á 90. mínútu. Tyrknesku landsliðsmennirnir fögnuðu markinu með því að heilsa að hermannasið.
Tyrkneska knattspyrnusambandið birti einnig mynd af liðinu og starfsfólki inn í klefa eftir leikinn þar sem allir á myndinni eru að heilsa að hermannasið. Við myndina stóð að sigurinn væri tileinkaður hugrökkum hermönnum og píslarvottum.
Philip Townsend, fjölmiðlafulltrúi UEFA, sagði við ítölsku fréttaveituna Ansa að hann hefði ekki séð myndir af þessu, en hann væri sammála því að þetta gæti flokkast sem ögrun.
Tyrkneskar hersveitir og bandamenn þeirra í Sýrlandi réðust nýverið á Kúrda í landinu og hafa hert sókn sína um helgina.
Reglur UEFA banna vísanir í stjórnmál og trúarbrögð. Townsend sagði að það væri öruggt að málið yrði skoðað.
Tyrkneska knattspyrnusambandið birti einnig mynd af liðinu og starfsfólki inn í klefa eftir leikinn þar sem allir á myndinni eru að heilsa að hermannasið. Við myndina stóð að sigurinn væri tileinkaður hugrökkum hermönnum og píslarvottum.
Philip Townsend, fjölmiðlafulltrúi UEFA, sagði við ítölsku fréttaveituna Ansa að hann hefði ekki séð myndir af þessu, en hann væri sammála því að þetta gæti flokkast sem ögrun.
Tyrkneskar hersveitir og bandamenn þeirra í Sýrlandi réðust nýverið á Kúrda í landinu og hafa hert sókn sína um helgina.
Reglur UEFA banna vísanir í stjórnmál og trúarbrögð. Townsend sagði að það væri öruggt að málið yrði skoðað.
Ay-Yıldızlılar, galibiyeti kahraman Mehmetçiklerimizle şehit olan askerlerimiz ve vatandaşlarımıza armağan etti. 🇹🇷 pic.twitter.com/NNZKlnnWga
— Milli Takımlar (@MilliTakimlar) October 11, 2019
