Lucas Hernandez hefur verið dæmdur í sex mánaða fangelsi af dómstól í Madríd í dag. Hernandez er leikmaður Bayern Munchen í Þýskalandi og varð heimsmeistari með Frakklandi árið 2018.
Hernandez og þáverandi kærasta hans og nú eiginkona voru af dómara í Madríd dæmd í nálgunarbann frá hvort öðru eftir deilur þeirra á milli úti á götu árið 2017. Hernandez á að hafa beitt kærustu sína ofbeldi og urðu skemmdir á munum í kringum parið.
Hernandez og þáverandi kærasta hans og nú eiginkona voru af dómara í Madríd dæmd í nálgunarbann frá hvort öðru eftir deilur þeirra á milli úti á götu árið 2017. Hernandez á að hafa beitt kærustu sína ofbeldi og urðu skemmdir á munum í kringum parið.
Parið hunsaði nálgunarbannið og fóru saman í brúðkaupsferð til Bahamas. Auk nálgunarbannsins áttu þau að sinna samfélagsþjónustu í 31 dag eftir uppákomuna. Hernandez var handtekinn eftir brúðkaupsferðina, gisti eina nótt í fangelsi en svo sleppt lausum í kjölfarið.
Lögfræðingar Hernandez áfrýjuðu upphaflegu niðurstöðu dómarans en þeirri áfrýjun var hafnað. Leikmaðurinn á yfir höfði sér sex mánaða fangelsisdóm fyrir að hunsa nálgunarbannið og skipunina að sinna samfélagsþjónustu. Þeirri niðurstöðu hefur Hernandez áfrýjað.
Hernandez er gert að mæta fyrir rétt á Spáni þann 19. október og hefur eftir það tíu daga til að mæta sjálfviljugur í fangelsi. Samkvæmt heimildum AS þá vissi Bayern Munchen ekki af þessu máli fyrr en í dag þó Hernandez hafi verið látinn vita af þróun mála fyrir talsverðu síðan.
Bayern og Hernandez vildu ekki tjá sig um málið þegar Reuters óskaði eftir viðbrögðum varðandi málið.
Athugasemdir
