Gylfi Þór Orrason.
Gylfi Þór Orrason verður dómaraeftirlitsmaður á viðureign Arsenal og Sporting frá Lissabon í Meistaradeildinni á morgun.
„Þetta er stórt verkefni fyrir Gylfa, sem er afar reynslumikill á þessu sviði, og ánægjulegt að sjá fulltrúa íslenskrar knattspyrnu með mikilvægt hlutverk þegar svona langt er komið í UEFA-móti félagsliða," segir á heimasíðu KSÍ.
Um er að ræða seinni leik liðanna, en Arsenal leiðir viðureignina eftir 1-0 útisigur í fyrri leiknum.
Dómarakvartett leiksins kemur frá Frakklandi en Francois Letexier er aðaldómari. VAR-dómararnir frá Þýskalandi og Belgíu.
