„Erfiður leikur. Vestramenn eru með gríðarlega öflugt lið og vel skipulagðir, ollu okkur vandræðum en kannski í fyrri hálfleik vorum við svolítið óþolinmóðir á boltanum. Það lagaðist í seinni hálfleik, við svona náðum að loka þessu nokkuð vel. Héldum markinu hreinu sem var jákvætt" sagði Heimir Guðjónsson þjálfari Fylkis eftir sigur gegn Vestra í Árbænum í kvöld.
Lestu um leikinn: Fylkir 2 - 0 Vestri
Var erfitt að brjóta niður Vestra í dag?
„Já, algjörlega. Ég meina þetta eru margir góðir leikmenn og þeir voru með gott skipulag. Vandinn í dag var að við vorum að fara í gildrurnar sem þeir voru búnir að setja fyrir okkur og mér fannst við laga það og vorum betri í seinni hálfleik."
Hvað þurfti að laga í hálfleik?
„Við náðum ekki að nýta svæðin milli varnar og miðju. Náðum ekki nógu góðum færslum á boltanum, vantaði svona tempó. Sendingarnar voru kannski ekki alveg nógu nákvæmar en við náðum að laga það."
Ertu ánægður með byrjunina?
„Já, fín byrjun. Ánægðastur með það að halda hreinu, það voru forsendur í seinni hálfleik eftir að þeir færðu sig framar á völlinn að skora fleiri mörk, en náðu því ekki."
Fullt viðtal í spilaranum fyrir ofan.
