Daníel kom vel inn í lið Víkings í gær.
Sölvi Geir vill nýta breiddina.
Það hefur vakið athygli að Daníel Hafsteinsson hefur byrjað á varamannabekknum í tveimur af síðustu þremur leikjum Víking. Hann var valinn maður leikins hér á Fótbolta.net eftir leikinn gegn Keflavík í gær. Daníel kom inn á eftir tæplega klukkutíma leik og bæði skoraði og lagði upp í 1-3 útisigri Víkings.
Daníel ræddi við Fótbolta.net eftir leikinn gegn ÍA og sagðist þar spila alla leiki, sem eru svo sem ummæli sem koma engum á óvart frá fótboltamanni.
Daníel ræddi við Fótbolta.net eftir leikinn gegn ÍA og sagðist þar spila alla leiki, sem eru svo sem ummæli sem koma engum á óvart frá fótboltamanni.
Lestu um leikinn: Keflavík 1 - 3 Víkingur R.
Daníel var á síðasta tímabili í liði ársins hér á Fótbolti.net og átti þar á undan mjög gott tímabil með KA. Hann hefur óumdeilalega verið einn besti miðjumaður deildarinnar síðustu misseri. Sölvi Geir Ottesen, þjálfari Víkings, var spurður út í Daníel í dag.
„Það er eðlilegt að menn skuli velta því fyrir sér. Við erum með stóran hóp og ég met það þannig að þegar törnin seinna í sumar byrjar að þá verði fleiri leikmenn í liðinu komnir með mínútur á vellinum. Það er gott að menn séu búnir að fá mínútur ef t.d. Danni myndi detta út. Ég er að dreifa mínútunum núna og þegar líður á verður Daníel ferskari. Við sáum þann glugga í þessum leik að það hentaði vel að Daníel myndi byrja á bekknum og aðrir fengju mínútur. Það er verið að virkja hópinn. Það er engin varaliðsdeild og það er ekki hægt að halda mönnum sem eru að spila minna í leikformi með öðrum leikjum. Það væri mjög erfitt fyrir menn að koma allt í einu inn þegar þess þarf ef þeir hafa ekki spilað í kannski tvo og hálfan mánuð."
„Það er ekkert út á frammistöðu Danna að setja, ég veit manna best hvað hann getur í fótbolta og hann er með betri, ef ekki besti miðjumaðurinn í deildinni. Hann sýnir gott hugarfar, er liðsmaður. Ég get ímyndað mér að hann hafi verið fúll á bekknum, ég vil að menn séu fúlir á bekknum og vilji byrja alla leiki. Hann sýndi gott fordæmi hvernig á að bregðast við þessu, kemur inn og breytir gangi leiksins. Hann á stóran þátt í því að við fórum í burtu með þrjú stig," segir Sölvi Geir.
Besta karla
| Lið | L | U | J | T | Mörk | mun | Stig |
|---|---|---|---|---|---|---|---|
| 1. Víkingur R. | 8 | 7 | 1 | 0 | 26 - 4 | +22 | 22 |
| 2. KR | 8 | 6 | 1 | 1 | 30 - 19 | +11 | 19 |
| 3. Fram | 8 | 5 | 2 | 1 | 21 - 13 | +8 | 17 |
| 4. Breiðablik | 8 | 4 | 3 | 1 | 19 - 11 | +8 | 15 |
| 5. Valur | 8 | 5 | 0 | 3 | 17 - 14 | +3 | 15 |
| 6. Keflavík | 8 | 3 | 2 | 3 | 11 - 12 | -1 | 11 |
| 7. KA | 8 | 3 | 1 | 4 | 9 - 10 | -1 | 10 |
| 8. ÍA | 8 | 2 | 3 | 3 | 11 - 16 | -5 | 9 |
| 9. Stjarnan | 8 | 2 | 1 | 5 | 14 - 18 | -4 | 7 |
| 10. Þór | 8 | 2 | 0 | 6 | 6 - 20 | -14 | 6 |
| 11. FH | 8 | 0 | 2 | 6 | 12 - 25 | -13 | 2 |
| 12. ÍBV | 8 | 0 | 2 | 6 | 8 - 22 | -14 | 2 |
