Arsenal tekur á móti Atlético í seinni undanúrslitaleik Meistaradeildarinnar í kvöld
Arsenal og Atlético Madrid berjast um sæti í úrslitum Meistaradeildar Evrópu á Emirates-leikvanginum í Lundúnum klukkan 19:00 í kvöld.
Arsenal, sem er einnig á toppnum í ensku úrvalsdeildinni, stefnir að því að vinna tvo stærstu titlana.
Félagið hefur ekki komist í úrslit Meistaradeildarinnar síðan 2006, en þá tapaði liðið fyrir Barcelona. Það á möguleika á að vinna keppnina í fyrsta sinn í sögunni, en það þarf að byrja á því að komast framhjá Atlético sem lék síðast til úrslita árið 2016.
Atlético hefur ekki heldur unnið keppnina, en gæti komist í fjórða úrslitaleikinn með sigri í kvöld.
Staðan er 1-1 í einvíginu, en Viktor Gyökeres skoraði fyrir Arsenal úr vítaspyrnu undir lok fyrri hálfleiks áður en Julian Alvarez jafnaði af punktinum snemma í síðari hálfleiknum.
Leikur dagsins:
19:00 Arsenal - Atletico Madrid
