Edwin van der Sar hefur skrifað undir nýjan samning við Ajax til 2023. Hann er framkvæmdastjóri hjá hollensku meisturunum.
„Mjög ánægður með að hafa framlengt samning minn hjá þessu fallega félagi. Ég byrjaði sem markvörður árið 1991, og varð framkvæmdastjóri fyrir þremur árum," skrifaði Van der Sar á Twitter.
Van der Sar hefur verið orðaður við stöðu yfirmanns knattspyrnumála hjá sínu gamla félagi, Manchester United.
Van der Sar spilaði með Manchester United í sex ár og varð fjórum sinnum Englandsmeistari, auk þess sem hann vann Meistaradeild Evrópu einu sinni.
Síðan hann kom aftur til Ajax hefur gengið mjög vel og var síðasta tímabil stórkostlegt hjá hollenska félaginu. Heima fyrir varð Ajax meistari og bikarmeistari, og í Meistaradeildinni komst liðið hársbreidd frá úrslitaleiknum.
Very happy with my contract extension at this beautiful club! I started as a goalie in 1991, 3 years ago I became @AFCAjax CEO. We’ve had some difficult moments, but the good times are definitely back. And of course we want more in the future! ❌❌❌#VdSar2023 #ForTheFuture pic.twitter.com/3XFr8CDyIu
— Edwin van der Sar (@vdsar1970) November 15, 2019
Athugasemdir