Núna er í gangi úrslitaleikur Meistaradeildar kvenna í Gautaborg í Svíþjóð.
Fyrstu 20 mínútur leiksins hafa verið með ólíkindum því Barcelona er nú þegar komið 3-0 yfir.
Það er bara eins og lið Chelsea hafi ekki mætt til leiks. Chelsea lenti undir strax á fyrstu mínútur með ótrúlega klaufalegu sjálfsmarki. Fran Kirby ætlaði að hreinsa en setti boltann Melanie Leupolz og þaðan fór boltinn í markið.
Á tólftu mínútu fékk Barcelona vítaspyrnu, frekar 'soft' vítaspyrnu en dómarinn dæmdi og Alexia Putellas skoraði.
Svo skoraði Aitiana Bonmati þriðja markið á 20. mínútu. „Chelsea hefur engin svör," sagði Margrét Lára Viðarsdóttir í útsendingu Stöð 2 Sport 2. Helena Ólafsdóttir og Margrét Lára lýsa leiknum.
Barcelona hefur unnið alla 26 deildarleiki sína á tímabilinu á Spáni. Þær eru rosalega góðar.
Sjá einnig:
Barcelona er 18-0 og ætlar að steypa Söru og stöllum af stóli
Athugasemdir