Aron Einar Gunnarsson.
Aron Einar Gunnarsson er kominn aftur inn í landsliðshópinn fyrir komandi verkefni gegn Albaníu og Venesúela.
Aron og Eggert Gunnþór Jónsson voru kærðir síðasta haust en kona sakaði þá um að hafa nauðgað sér í Kaupmannahöfn árið 2010.
Héraðssaksóknari felldi niður málið í maímánuði síðastliðnum en sá úrskurður var kærður og tók ríkissaksóknari þá málið fyrir og er niðurstaðan sú að málið hefur nú verið fellt niður.
Aron getur því snúið aftur í hópinn og hann gerir það. Hann tekur við fyrirliðabandinu á nýjan leik en hann hefur verið með bandið síðustu tíu árin eða svo.
Birkir Bjarnason hefur verið með fyrirliðabandið í síðustu verkefnum og hrósaði Arnar Þór Viðarsson, landsliðsþjálfari, honum mikið fyrir það sem hann hefur verið að gera.
Athugasemdir
