„Virkilega svekkjandi að fá á okkur tvö mörk svona snemma í leiknum“ sagði Jonathan Glenn, þjálfari Keflavíkur, eftir 3-1 tap gegn FH í Kaplakrika.
Lestu um leikinn: FH 3 - 1 Keflavík
„Það er alltaf erfitt að lenda undir svona snemma en ég var ánægður með viðbrögðin sem stelpurnar sýndu“ sagði hann svo en það mætti segja að Keflavík hafi ekki mætt strax til leiks og þær voru 2-0 undir eftir átta mínútur.
Aðspurður hvað hefði farið úrskeiðis þessar fyrstu mínútur segir hann: „Það slökknaði á okkur í föstum leikatriðum. Við verðum að vera með kveikt á perunni á þessum augnablikum en við gerðum það ekki í dag“ en FH-ingar skoruðu fyrsta markið upp úr aukaspyrnu.
Keflavík þurftu að sætta sig við alvöru skell í síðustu umferð þegar þær töpuðu 0-6 fyrir Breiðablik á heimavelli en hafði það einhver áhrif á leikmennina í dag?
„Það er erfitt að segja til um það akkúrat núna en þetta var klárlega ekki byrjunin sem við vildum.“
Viðtalið má sjá í heild sinni hér fyrir ofan.
