Marseille komst að samkomulagi við Manchester United um kaup á Greenwood á dögunum en franska félagið greiðir um 27 milljónir punda fyrir þjónustu hans.

Greenwood er 22 ára sóknarmaður sem er uppalinn hjá United, en hann eyddi síðustu leiktíð á láni hjá spænska félaginu Getafe.

Framherjinn hefur náð samkomulagi við Marseille um kaup og kjör og mun hann skrifa undir fimm ára samning á morgun.

Í kvöld lenti Greenwood á flugvellinum í Marseille og voru stuðningsmenn félagsins mættir til að taka vel á móti honum eins og má sjá í myndbandinu hér fyrir neðan.