Mbappe hefur fylgst með Ronaldo frá því hann byrjaði að spila fótbolta og var með plaköt af Portúgalanum á veggjunum í herberginu sínu.

Sá var staðráðinn í að ná frægð og frama eins og átrúnaðargoðið, eitthvað sem hefur tekist hjá Frakkanum.

Abdou Diallo, fyrrum liðsfélagi Mbappe hjá Paris Saint-Germain, segir að Ronaldo sé Mbappe allt, en hann talaði um það í viðtali við The Mail.

„Cristiano Ronaldo er honum allt og þá meina ég bókstaflega allt. Ef þú nefnir Lionel Messi í umræðunni gegn Ronaldo þá mun Mbappe þræta við þig í að minnsta kosti klukkutíma. Fyrir honum er Ronaldo ósnertanlegur,“ sagði Diallo.

Þetta viðtal er birt fyrir leik Frakklands og Argentínu í úrslitaleik HM en þar mætir Mbappe einmitt Messi. Mbappe getur unnið bikarinn í annað sinn en Messi vonast til að vinna hann í fyrsta sinn á sínu síðasta stórmótinu.