Varnarmaðurinn Þorsteinn Aron Antonsson spilaði sinn fyrsta leik fyrir U18 lið Fulham í gær sem spilaði gegn West Brom.
Þorsteinn er afar efnilegur leikmaður en hann á að baki aðalliðsleiki fyrir Selfoss og spilaði alls 17 leiki á þessu ári með félaginu.
Þorsteinn skrifaði undir samning við Fulham í byrjun september og var nú að þreyta frumraun sína fyrir félagið.
Um er að ræða aðeins 16 ára gamlan leikmann en hann lék 14 leiki fyrir Selfoss í 2.deildinni áður en hann hélt út.
Það er ánægjulegt að greina frá því að fyrsti leikur Þorsteins endaði vel en Fulham hafði betur sannfærandi 4-1.
Þorsteinn var í byrjunarliði liðsins og þótti standa sig með prýði.
Athugasemdir