Fullt nafn: Bjarki Steinn Bjarkason

Gælunafn: Félagarnir hafa reynt Bjarri og Bjalli en það á erfitt með að festast, sem betur fer

Aldur: Tvítugur í maí

Hjúskaparstaða: Í sambandi

Hvenær lékstu þinn fyrsta leik með meistaraflokki: Fyrsti leikur í Íslandsmóti kom árið 2017 með Aftureldingu

Uppáhalds drykkur: Kristall í dós

Uppáhalds matsölustaður: Saffran

Hvernig bíl áttu: Ég á ekki bíl en ég fæ nú stundum yarisinn lánaðan hjá mömmu og pabba

Uppáhalds sjónvarpsþáttur: Er að taka Money heist núna, þeir eru góðir

Uppáhalds tónlistarmaður: A Boogie Wit da Hoodie er góður, annars er ég líka mikill Aron Can maður

Fyndnasti Íslendingurinn: Það er á milli Sveppa og Gillz

Hvað viltu í bragðarefinn þinn: Hockey pulver, kökudeig og daim

Hvernig hljómar síðasta sms sem þú fékkst: “okei eg er bara að gera tik tok” frá litlu systur

Hvaða liði myndir þú aldrei spila með: Myndi líklega ekki nenna að búa í Eyjum þannig ég segi bara ÍBV

Besti leikmaður sem þú hefur mætt: Callum Hudson Odoi

Besti þjálfarinn sem hefur þjálfað þig: Jói Kalli

Mest óþolandi leikmaður sem þú hefur mætt: Brynjólfur Andersen getur verið óþolandi á vellinum eins og margir í Breiðablik

Sætasti sigurinn: Íslandsmeistar með ÍA í 2. fl 2018 eftir að hafa pakkað Breiðablik saman 5-2 í næst síðasta leik tímabilsins

Mestu vonbrigðin: Tapið í úrslitum bikars í 2. fl í fyrra

Uppáhalds lið í enska: United

Ef þú fengir að velja einn leikmann úr öðru íslensku liði í þitt lið: Hefði verið skemmtilegt ef Róbert Orri hefði valið ÍA í staðinn fyrir Blix en það er eins og það er

Efnilegasti knattspyrnumaður/kona landsins: Ísak Bergmann

Fallegasti knattspyrnumaðurinn á Íslandi: Eiður Aron er mjög myndarlegur, gef honum það

Fallegasta knattspyrnukonan á Íslandi: Sara Björk Gunnarsdóttir, ágæt í fótbolta líka

Besti knattspyrnumaðurinn frá upphafi: Cristiano Ronaldo

Hver er mesti höstlerinn í liðinu: Án efa Höddi löpp, hann hatar ekkert nicknameið sitt

Uppáhalds staður á Íslandi: Heima í Mosó

Segðu okkur frá skemmtilegu atviki sem gerst hefur í leik: Man ekki neitt því miður, vel boring ég veit :(

Hvað er það síðasta sem þú gerir áður en þú ferð að sofa: legg símann frá mér

Fyrir utan knattspyrnu, fylgist þú með öðrum íþróttum: Handbolta

Í hvernig fótboltaskóm spilar þú: Nike mercurial vapor

Í hverju varstu/ertu lélegastur í skóla: Enskan mín var ekkert frábær

Vandræðalegasta augnablik: klúðra í vítakeppni í úrslitaleik unglingalandsmótsins árið 2012, var frekar lítill í mér

Hvaða þrjá leikmenn tækir þú með þér á eyðieyju: Cristiano því það væri alveg nett, Jason Daða Svanþórsson til að hafa svolítið létt yfir mönnum og svo Kristófer Óskar Óskarsson því hann myndi nenna að græja hlutina.

Sturluð staðreynd um sjálfan þig: Ég dúxaði stærðfræði, í grunnskóla

Hvaða samherji hefur komið þér mest á óvart eftir að þú kynntist honum og af hverju: Árni Snær, vel grillaður gæji

Hverju laugstu síðast: sagði við systur mina að ég væri slappur því ég nennti ekki að skutla henni

Hvað er leiðinlegast að gera á æfingum: Uppspilsæfingarnar líklega

Nú er tími Covid-19 hvernig er “venjulegur” dagur: Ég vinn í grunnskóla þannig ég byrja daginn þar í nokkra tíma, síðan tek ég æfingaprógrammið frá Skaganum seinna um daginn, þess á milli hef ég ágætis tíma í gott chill og horfa á tv