England: Tíu leikmenn West Brom klaufar gegn Burnley

Burnley tók á móti West Bromwich Albion í fallbaráttuslag í ensku úrvalsdeildinni í dag.

Leikurinn var í járnum eins og búist var við en eftir hálftíma fékk Semi Ajayi beint rautt spjald fyrir að stöðva stungusendingu með höndinni. Spjaldið er afar umdeilt þar sem atvikið átti sér stað á miðjum vellinum, en Ajayi var aftasti varnarmaður.

Leikurinn breyttist lítið við rauða spjaldið, gestirnir í West Brom voru hættulegri og komust tvívegis nálægt því að gera sigurmark í síðari hálfleik.

Boltinn rataði þó ekki í netið og niðurstaðan markalaust jafntefli.

Lærisveinar Sam Allardyce eru ellefu stigum frá öruggu sæti í deildinni, með 14 stig eftir 25 umferðir. Burnley er með 28 stig.