Það komu aðeins tveir Íslendingar við sögu í leikjum kvöldsins víða um Evrópu þegar Guðlaugur Victor Pálsson og Ísak Snær Þorvaldsson mættust í næstefstu deild danska boltans.
Guðlaugur Victor var í byrjunarliði Horsens og skoraði fyrsta mark leiksins á þriðju mínútu, en gestirnir í liði Lyngby tóku öll völd á vellinum eftir það.
Ísak Snær var í byrjunarliði Lyngby og lék fyrstu 83 mínúturnar í góðum endurkomusigri. Lokatölur urðu 1-3 og trónir Lyngby á toppi deildarinnar með þriggja stiga forystu á næstu lið.
Þetta var annar tapleikurinn í röð hjá Horsens, sem er um miðja deild - níu stigum á eftir Lyngby.
Ólafur Guðmundsson og Davíð Snær Jóhannsson voru þá ónotaðir varamenn er Álasund tryggði sér sæti í 8-liða úrslitum norska bikarsins.
Aalesund vann á útivelli gegn Egersund eftir að hafa lent undir í tvígang. Íslendingaliðið snéri stöðunni sér í hag með tveimur mörkum á lokakaflanum.
Horsens 1 - 3 Lyngby
1-0 Guðlaugur Victor Pálsson ('3)
1-1 N. Pierre ('35)
1-2 A. Bondergaard ('40)
1-3 N. Pierre ('59)
Egersund 2 - 3 Aalesund
1-0 O. Kapskarmo ('8)
1-1 K. Lonebu ('21, víti)
2-1 S. Vatne ('70)
2-2 E. Myrlid ('81)
2-3 I. Djantou ('85)
Athugasemdir
