Það eru spennandi leikir á dagskrá í Lengjubikarnum í dag og í kvöld þar sem keppt er í A-deild í karla- og kvennaflokki.
Í karlaflokki eigast Þór og Valur við í úrslitaleik riðils 2 og hefst viðureign liðanna klukkan 17:00 í Boganum.
Þór er með eins stigs forystu á toppi riðilsins fyrir þennan lokaleik. Akureyringum nægir því jafntefli til að tryggja sér toppsætið, á meðan Valsarar þurfa á sigri að halda.
Skömmu eftir lokaflautið hefst svo viðureign Þórs/KA gegn FH í riðli 1 í kvennaflokki. Liðin eigast við í þýðingarlitlum úrslitaleik um þriðja sætið, þar sem bæði lið eiga 6 stig eftir 4 umferðir.
Í riðli 2 tekur Breiðablik á móti ÍBV og þarf á sigri að halda til að blanda sér í toppbaráttuna. ÍBV er á botni riðilsins með eitt stig eftir tvær fyrstu umferðirnar.
Að lokum spila Úlfarnir við Hamar í fyrsta leik Mjólkurbikarsins.
Lengjubikar karla - A deild, riðill 2
17:00 Þór - Valur (Boginn)
Lengjubikar kvenna - A deild, riðill 1
19:30 Þór/KA - FH (Boginn)
Lengjubikar kvenna - A deild, riðill 2
20:30 Breiðablik - ÍBV (Kópavogsvöllur)
Mjólkurbikar karla
20:00 Úlfarnir - Hamar (Lambhagavöllurinn)
Athugasemdir
