Brasilíska stórstjarnan Neymar er með í bráðabirgðahóp landsliðsins sem spilar ælfingaleiki í lok mánaðar.
Carlo Ancelotti landsliðsþjálfari ætlar að fylgjast náið með næstu leikjum Santos til að skoða Neymar og sjá hversu góðu líkamlegu standi kantmaðurinn er í. Hann mun í kjölfarið taka ákvörðun um hvort Neymar ferðist með landsliðinu í æfingaleikina.
Neymar er 34 ára gamall og hefur verið að glíma við tíð meiðsli á undanförnum árum. Hann dreymir um að taka þátt á sínu síðasta heimsmeistaramóti eftir að hafa farið með brasilíska landsliðinu á HM 2014, 2018 og 2022.
Brasilía spilar æfingaleiki við Frakkland og Króatíu í kringum næstu mánaðamót. Fótboltaþjóðin mikla er svo í riðli með Marokkó, Haítí og Skotlandi á HM.
08.03.2026 07:00
Kokkurinn krefur Neymar um miskabætur
Athugasemdir
