„Mér fannst þessi leikur hjá okkur vera bara mjög fínn fyrir utan 10 mínútna kafla hérna í seinni hálfleik þar sem við fáum á okkur mark sem þeir gerðu mjög vel. Svo dettum við aðeins á hælanna og fáum á okkur annað og í svona leik milli tveggja jafnra liða þá er það mjög slæmt.“ Sagði Sigurbjörn Hreiðarsson aðspurður um sín fyrstu viðbrögð eftir 0-2 tap Grindvíkinga á heimavelli gegn Fjölni í kvöld.
Lestu um leikinn: Grindavík 0 - 2 Fjölnir
Grindavík sem byrjaði mótið með sterkum sigri gegn ÍBV hefur tapað síðustu tveimur leikjum sínum. Voru menn langt niðri eftir skellinn gegn Þór á dögunum og svo aftur í dag?
„Nei svona er þetta. Þetta er svo jafnt að þú getur unnið og tapað leikjum eftir því hvernig dagsformið er. En auðvitað er það slæmt við viljum ekki tapa leikjum en það gerist í fótbolta.“
Sigurbjörn gerði breytingu í hálfleik þegar Dion Acoff var tekinn af velli. Var það vegna meiðsla eða bara til að fá nýtt blóð inn?
„Hann kveinkaði sér aðeins og við ákváðum að skipta honum í hálfleik og setja Laurens inn á og ekkert mál með það, Það er bara maður í manns stað en já Dion var að kveinka sér aðeins.“
Sagði Sigurbjörn en allt viðtalið má sjá hér að ofan.
Athugasemdir