4. deild: Fyrsti sigur Skallagríms

Skallagrímur vann sinn fyrsta leik í 4. deild karla þetta tímabilið er liðið lagði KFS að velli, 2-1, í Borgarnesi í kvöld.

Heiðmar Þór Magnússon kom Eyjamönnum yfir á 37. mínútu leiksins og stóðu leikar þannig í hálfleik.

Í síðari hálfleiknum skoraði Sölvi Snorrason tvö mörk á fjórum mínútum og sá til þess að Skallagrímur næði í fyrsta sigur tímabilsins.

Skallagrímur er með þrjú stig en KFS enn án stiga.