HK tók á móti ÍR í fyrri leik kvöldsins í Lengjudeild kvenna og tóku Breiðhyltingar forystuna í fyrri hálfleik, með marki frá Lovísu Guðrúnu Einarsdóttur.

Guðmunda Brynja Óladóttir svaraði með tvennu fyrir HK sem leiddi 2-1 í leikhlé.

Jana Sól Valdimarsdóttir tvöfaldaði forystu HK í síðari hálfleik, áður en Ísabel Rós Ragnarsdóttir innsiglaði sigurinn eftir að hafa komið inn af bekknum.

HK fer í toppsæti Lengjudeildarinnar með þessum sigri og er þar með 14 stig eftir 7 umferðir.

ÍR vermir áfram botnsætið með 3 stig.