„Það var jafnræði í öllum leiknum. Það eru bara úrslitin sem er munurinn á liðunum," sagði Ágúst Gylfason, þjálfari Fjölnis, eftir 4-0 tap gegn Stjörnunni í Pepsi-deild karla í kvöld.
„Það er vont fyrir okkur að tapa svona stórt hérna. Leikurinn fannst mér í járnum, en þeir fá svo gefins aukaspyrnu og víti í kjölfarið. Það var frekar létt," sagði Gústi.
„Það er vont fyrir okkur að tapa svona stórt hérna. Leikurinn fannst mér í járnum, en þeir fá svo gefins aukaspyrnu og víti í kjölfarið. Það var frekar létt," sagði Gústi.
Lestu um leikinn: Stjarnan 4 - 0 Fjölnir
„Þeir komast í 1-0, svo í 2-0, en síðan komum við sterkir í seinni hálfleikinn og ætluðum að jafna og vinna leikinn. Við skorum, að ég held, löglegt mark og það hefði breytti leiknum algjörlega."
„Þegar við fengum þriðja markið í andlitið, þá var þetta búið."
Fjölnir fékk á sig vítaspyrnu og síðan var dæmt af þeim mark á umdeildan hátt. Var Gústi ósáttur með dómarann?
„Við lögðum allt í leikinn og það er vont að fá svona á sig. Ég á eftir að sjá þetta aftur, en þetta er mjög leiðinlegt."
Framundan er erfið fallbarátta hjá Fjölni.
„Við erum búnir að fá tvö stór frí í sumar sem er óheppilegt. Við fáum einn leik núna og síðan kemur þriðja fríið hjá okkur. Svo koma sex leikir á 20 dögum. Það er nóg að gera þá og þá þarf stigasöfnunin að fara í gang, alveg klárlega."
Viðtalið í heild sinni er hér að ofan.
Athugasemdir
