Brynjar Árnason
Höttur/Huginn féll úr 2. deild í sumar eftir fjögurra ára veru í deildinni. Liðið vann 3. deild sumarið 2021.
Brynjar Árnason hefur tekið þá ákvörðun að hætta sem þjálfari liðsins. Björgvin Stefán Pétursson og Andre Musa hætta einnig sem aðstoðarþjálfarar.
Brynjar Árnason hefur tekið þá ákvörðun að hætta sem þjálfari liðsins. Björgvin Stefán Pétursson og Andre Musa hætta einnig sem aðstoðarþjálfarar.
Tilkynning Hattar/Hugins í heild sinni:
Þeir Brynjar Árnason aðalþjálfari Hattar/Hugins og þeir Björgvin Stefán Pétursson og Andre Musa aðstoðarþjálfarar hafa ákveðið að kalla þetta gott og því verður nýtt þjálfarateymi í brúnni næsta sumar.
Brynjar tók við liðinu sumarið 2021og kom því beint upp úr 3. deild og var í kjölfarið valinn þjálfari ársins. Árið eftir var hann sömuleiðis valinn þjálfari ársins nema þá í 2. deild. Áður en hann tók við þjálfarstöðunni þá hafði hann leikið 200 leiki fyrir félagið, bar fyrirliðabandið seinni helming leikmannaferilsins og hóf þjálfun sem aðstoðarþjálfari áður en hann tók við. Hans framlag fyrir félagið hefur verið gríðarlegt síðustu 15 árin og verður erfitt að fylla hans skó.
Andre kom til félagsins á sama tíma og Brynjar eftir að hafa leikið með ÍR hér á landi. Hann náði í sumar að leika sinn 100. leik fyrir félagið og hefur auk þess að vera aðstoðarþjálfari og leikmaður verið yfirþjálfari yngri flokka.
Björgvin Stefán sá mæti drengur kom svo yfir til okkar sumarið 2022 frá Leikni Fásk og kom með ferskan anda inn í þjálfarateymiðg verður hans nærveru saknað.
Stjórn Hattar Rekstrarfélags þakkar þeim vel fyrir sín störf – það er ekki oft sem að þjálfarar haldast í starfi í fimm tímabil og ber það vitni um gott samstarf og góða karaktera.
Leit að nýjum þjálfara stendur yfir og má vænta frétta af því fljótlega, liðið býr yfir spennandi kjarna heimastráka og framtíðin því björt þó tímabilið hafi ekki endað eins og við hefðum viljað.
Upp, upp og áfram.
Athugasemdir
