ÍA 2 - 0 Stjarnan
1-0 Einar Logi Einarsson ('54 )
2-0 Steinar Þorsteinsson ('93 )
Lestu nánar um leikinn
1-0 Einar Logi Einarsson ('54 )
2-0 Steinar Þorsteinsson ('93 )
Lestu nánar um leikinn
Það stoppar fátt Skagalestina um þessar mundir. ÍA trónir á toppi Pepsi Max-deildarinnar eftir að hafa tekið fimmta sigurinn úr fyrstu sex leikjum deildarinnar.
ÍA tók á móti Stjörnunni upp á Skipaskaga í fyrsta leik dagsins í Pepsi Max-deildinni.
Allt klárt à Skaganum#fotboltinet pic.twitter.com/hbO4lzhALI
— Helgi Seljan Jóhannsson (@helgiseljan) May 26, 2019
Það gerðist fátt mjög merkilegt í fyrri hálfleiknum og var staðan að honum loknum markalaus.
Í byrjun seinni hálfleiksins komst ÍA yfir og áfram eru það varnarmenn liðsins sem sjá um markaskorunina. Skagamenn eru sterkir í föstum leikatriðum og þeir skoruðu eftir eitt slíkt, innkast sem var tekið snöggt. „MAAAAAAAAARK!!!!! Það er komið mark í leikinn!! Stefán Teitur ætlaði að taka langt innkast en tók það snöggt á Steinar Þorsteins sem kom með geggjaðann bolta og Einar Logi potaðin honum inn," sagði Benjamín Þórðarson í beinni textalýsingu á Fótbolta.net.
Annað Súperman mark hjá Einari Loga!!! 1:0!!! Koma svo!! pic.twitter.com/Qp7jxOJXf7
— ÍA Akranes FC (@ia_akranes) May 26, 2019
Þetta er annar leikurinn í röð sem Einar Logi Einarsson skorar fyrir ÍA. Í síðasta leik skoraði hann sigurmarkið í 1-0 sigri gegn Breiðablik.
Þetta Skagalið er frábært og þeim tókst að bæta við öðru marki áður en flautað var til leiksloka. Varamaðurinn Steinar Þorsteinsson skoraði þá eftir aukaspyrnu.
ÍA er á toppnum í Pepsi Max-deildinni með 16 stig úr fyrstu sex leikjunum. Það var frábær mæting á leikinn í dag og það er gríðarleg stemning fyrir þessu Skagaliði.
Stjarnan var að tapa sínum öðrum leik í röð og er með átta stig í sjöunda sæti, átta stigum á eftir ÍA.
FH og Breiðablik eru sex stigum á eftir ÍA en þessi lið eru að fara að spila klukkan 19:15.
Smelltu hér til að fara í beina textalýsingu frá leik Vals og Breiðabliks
Smelltu hér til að fara í beina textalýsingu frá leik Fylkis og FH
Athugasemdir