Þór var að krækja í spænskan miðjumann sem er búinn að gera samning út sumarið.
Hann heitir Ion Perello Machi og kemur frá Hetti/Huginn þar sem hann hefur spilað að undanförnu og á því leiki að baki í 2. og 3. deild.
Ion skrifaði undir samning og mætti á æfingu í dag. Hann verður löglegur fyrir næsta leik í Lengjudeildinni sem er gegn Þrótti Vogum á fimmtudaginn.
Þór hefur farið hrikalega illa af stað í Lengjudeildinni og er aðeins með fimm stig eftir átta fyrstu umferðirnar.
„Við bjóðum nýjasta Perello velkominn til félagsins og hlökkum til að fylgjast með honum á vellinum," segir á vefsíðu Þórs.
Athugasemdir